RIP Arshad Shareef

 کہاں کسی کی حمایت میں مارا جاؤں گا 

میں غم شناس مروت میں مارا جاؤں گا 

میں مارا جاؤں گا پہلے کسی فسانے میں 

پھر اس کے بعد حقیقت میں مارا جاؤں گا

 میں ورغلایا ہوا لڑ رہا ہوں اپنے خلاف

میں اپنے شوقِ شہادت میں مارا جاؤں گا

مرا یہ خون مرے دشمنوں کے سر ہوگا 

میں دوستوں کی حراست میں مارا جاؤں گا 

مجھے بتایا ہوا ہے میری چھٹی حِس نے

میں اپنے عہدِ خلافت میں مارا جاؤں گا 

میں چپ رہا تو مجھے مار دے گا میرا ضمیر 

گواہی دی تو عدالت میں مارا جاؤں گا 

عدو کی عارضی پسپائی میری فتح کہاں

میں شغلِ مال غنیمت میں مارا جاؤں گا 

مرا کوئی میرے ہاتھوں تو بھی میں ہی مرا 

طرح طرح کی وضاحت میں مارا جاؤں گا 

حصص میں بانٹ رہے ہیں مجھے مرے احباب 

میں کاروبار شراکت میں مارا جاؤں گا 

بس ایک صلح کی صورت میں جان بخشی ہے 

کسی بھی دوسری صورت میں مارا جاؤں گا 

Rip Arshad Shareef, Arshad shareef death, 

#ArshadSharif